महाराष्ट्र शासन हे खाजगी रुग्णालयात होणारी लूट आणि आर्थिक शोषण यावर नियंत्रण आणण्यासाठी प्रयत्न करत आहे तरीही दररोज लुटीच्या वेगवेगळया तक्रारी येतच आहेत. भलेही सर्व खाजगी रुग्णालय माफक दर असल्याचे सांगत असले तरी छुप्या दरामुळे रुग्ण आणि कुटुंब हे असहाय्य होतात. म्हणून खाजगी रुग्णालयातील रिसेप्शन किंवा बाहेर बिलाची रक्कम डिस्प्ले करण्याची मागणी आरटीआय कार्यकर्ते अनिल गलगली यांनी मुख्यमंत्री उद्धव बाळासाहेब ठाकरे यांसकडे केली आहे.
आरटीआय कार्यकर्ते अनिल गलगली यांनी मुख्यमंत्री उद्धव बाळासाहेब ठाकरे,आरोग्य मंत्री राजेश टोपे, मुख्य सचिव अजोय मेहता यांस लिहिलेल्या पत्रात नमूद केले आहे की अश्या परिस्थितीत रुग्णालयातील रिसेप्शन किंवा बाहेर बिलाची रक्कम डिस्प्ले करणे आवश्यक आहे. यामुळे रुग्णालय व्यवस्थापन खोटी माहिती देणार नाही आणि सर्वसामान्यांना सत्यपरिस्थिती लक्षात येईल. गलगली पुढे म्हणाले की आज मंत्री, अधिकारी रुग्णालयात अचानक जातात आणि कारणे दाखवा नोटीस देतात पण ऑन दी स्पॉट कार्यवाही होत नाही. यामुळे रुग्णालय व्यवस्थापनाची मुजोरी वाढते.
खाजगी रुग्णालयात होणारी लूट आणि आर्थिक शोषण यावर नियंत्रण आणण्यासाठी रुग्णालयातील रिसेप्शन किंवा बाहेर बिलाची रक्कम डिस्प्ले करण्याची मागणी आरटीआय कार्यकर्ते अनिल गलगली यांनी केली आहे.
No comments:
Post a Comment