एटीएस प्रमुख असलेले हेमंत करकरेंच्या बुलेटप्रूफ जॅकेटप्रकरणी आणखी एक धक्कादायक माहिती पुढे आली आहे. करकरे यांनी वापरलेले बुलेटप्रूफ जॅकेट जेजे रुग्णालयातील सफाई कामगाराने कपड्यासोबत काढत कच-यांत टाकल्याची माहिती आरटीआय कार्यकर्ते अनिल गलगली यांस मुंबई पोलिसांनी दिली आहे.
आरटीआय कार्यकर्ते अनिल गलगली यांनी मुंबई पोलिसांकडे एटीएस प्रमुख हेमंत करकरे यांचे बुलेटप्रूफ जॅकेटची माहिती मागितली होती. मुंबई पोलिसांचे जनसंपर्क अधिकारी सुरेश सपकाळ यांनी गलगली यांस कळविले की माजी पोलीस अधिकारी हेमंत करकरे यांनी मुंबई हल्ल्यादरम्यान वापरलेले बुलेटप्रूफ जॅकेट हे हल्ल्यादरम्यान करकरे जखमी झाल्याने त्यांना जेजे रुग्णालय येथे उपचारादरम्यान दाखल केले असता तेथील सफाई कामगाराने त्यांच्या अंगावरील बुलेटप्रूफ जॅकेट आणि कपडे अंगावरुन काढून ते कच-यांमध्ये टाकले. सदर बुलेटप्रूफ जॅकेटचा सर्वतोपरी शोध घेण्यात आला परंतु ते शेवटपर्यंत मिळून आले नाही. बुलेटप्रूफ जॅकेट न सापडणे आणि कच-यात टाकणे, ही बाब निष्काळजीपणाचा कळस असून असे सांगत अनिल गलगली म्हणाले की बुलेटप्रूफ जॅकेटची गुणवत्ता आणि मजबुतीचा प्रश्न ऐरणीवर आहे. करकरे यांनी वापरलेल्या बुलेटप्रूफ जॅकेटची तपासणी झाली असती तर नक्कीच बुलेटप्रूफ जॅकेट खरेदी आणि झालेला गोलमाल उघडकीस आला असता, असे गलगली यांनी नमूद केले आहे.
No comments:
Post a Comment